“..Бирок коңшуларда жакшы болсун деп, биз кыйынчылык тарта бергенибиз да экономикалык жактан алып караганда туура эмес. Газды, мазутту, көмүрдү коңшулар бизге дүйнөлүк баа менен сунуш кылып жатышат, макул дедик. Албетте сууну бөлүштүрүүгө же ылайыктап берүүгө келгенде, бул да бекер болууга тийиш эмес.” Мындай пикирин кыргыз өкмөтүнүн башчысы Игорь Чудинов “РИА Новости” маалымат агенттигинин кабарчысы менен болгон маектешүү учурунда билдирген. Анын айтуусунда эл аралык эрежелер боюнча Кыргызстан суунун жарымын агымдын төмөн жагында жайгашкан коңшуларына берүүгө тийиш, Нарын дарыясынан жыл сайын 18-19 млрд куб суу топтолот. Кыргызстан коңшуларына жылыга 14 млрд куб суу берет. (ZKo)
