Мындай маанидеги билдирүүнү “Ата Мекен” партиясы бүгүн таратты. Анда жарандардын тынч, эркин чогулуусун чектөө күчөп, митинг-пикет, демонстрациялардын уюштуруучуларын кысымга алуу, камоо кадимки көрүнүшкө айланды, деп айтылат. Билдирүү ээлери “Мен ишенбейм..” акциясынын катышуучуларына карата болуп жаткан мамиле Кыргызстандагы демократиянын деңгээлин көрсөтүп турат, деп белгилешкен. Ошондой эле “Атамекенчилер” Кыргызстан демократиянын жоболорунан өтө тездик менен артка кетип аткандыгын белгилешип, бул социалдык кыйроого алып келүүсү мүмкүн, деп эсептешет. (ZKo)
