Бул тууралуу кыймылдын лидерлеринин бири Аликбек Жекшенкулов билдирди. Анын айтымында, жыйында Коомдук парламенттин жобосу талкууланды. Жободо Коомдук парламенттин курамы, иштөө тартиби аныкталат. Кыймылдын жыйынында өлкөдөгү саясий кырдаал да талкууланып, анда «Биз ишенбейбиз» акциясынын катышуучуларын камакка алынышы кескин айыпталды. «Акыйкат үчүн» кыймыл өткөн жылы өлкөдөгү оппозициялык партиялар, өкмөттүк эмес уюмдар тарабынан түзүлгөн.(AiT)
