Президент Курманбек Бакиевге жөнөтүлгөн телеграммада “Кыргыз өкмөтү “Центерра голд компани” ишканасы менен түзгөн келишимин элдин талкуусуна коюп ратификациялоосу зарыл, көлдүктөр эми Жогорку Кеңештин жана өкмөттүн өзүм билемдигине жол бербейт, кен казууда экологияга терс таасири тийбегидей далилдерди жана алтындан жергиликтүү элге тийчү пайданы алдын ала билүүгө укуктуубуз”, деп жазылып, кол койгондордун тизмеси тиркелген. “Жарандар коррупцияга каршы” укук коргоо борборунун көлдөгү жетекчиси Жылдыз Осмонканова бул телеграмма расмий жолдонгонун ырастады. (RB)
18:37 Ысыккөлдүктөр “Кумтөр” боюнча келишимдин шарттарын ачыкка чыгарууну талап кылышууда
