Линктер

шейшемби, 6-декабрь, 2016 Бишкек убактысы 20:22

31-январда Бириккен Улуттар Уюму качкын макамын ыйгарган кыргызстандык адвокат Саидкамол Ахмедовго мамлекеттик каралоочу күчөтүлгөн режимде 6 жыл сурады. Жактоочулары актоону өтүнүштү. Ош шаардык соту айыпталуучуну бир жылдык сынак мөөнөтү менен шарттуу түрдө 3 жылга кесип, 5 миң сом айыпка жыкты.

Прокурор Мамат Казыбаев Ахмедовдун алдамчылык менен алектенгендиги, ошондой эле бирөөлөрдүн документтерин жасагандыгы аныкталган деп, аны күчөтүлгөн режимде 6 жылга кесүүнү талап кылды.

- Күнөөлү деп эсептейм. 350-статьянын 1-бөлүмү менен бир жыл, 160-статья менен 5 жыл, жалпысынан 6 жылга эркин ажыратууга сурадым, - деди Мамат Казыбаев.

Ахмедовдун жактоочусу Таир Асанов төрагалык кылуучу судьядан бул ишти өндүрүштөн кыскартып, жарандык тартипте кароого жөнөтүүнү дагы бир ирет өтүндү:

- Бул такталып жатат. Ошондуктан бул ишти чукул карай турган болсок, бул жерде граждандык укуктук мамилелер, бул кишинин үстүнөн кылмыш куугунтукка алууга жатпайт.

Соттолуучу Саидкамол Ахмедов:"Системага каршы сүзгөнүмө эми түшүндүм. Муну туугандарым деле айтып жүрүшкөн. Канеткен күндө да баары кеч болуп калды. Эмне демекмин, кадырлуу судья, адилет өкүм чыгарышыңызды гана өтүнөм", - деп акыркы сөзүн бүтүрдү.

Төрагалык кылуучу судья Бурханидин Нурмаматов сот жараянынын жүрүшүндө Ахмедовдун күнөөлөрү толук бышыкталгандыгына басым жасап, аны бир жылдык сынак мөөнөтү менен 3 жылга шарттуу кесип, 5 миң сомго айыпка жыккан өкүм чыгарды:

Кыйла жылдан бери жактоочулук кесипти аркалаган Нурдин Чыдыев соттун башынан аягына дейре катышкандыгын кыйытып, Ахмедовдун шарттуу түрдө болсо да кесилишин таза иштеген адвокаттарга карата сүр көрсөтүү, кысымчылык деп баалады.
XS
SM
MD
LG