Өзгөчө кырдаалдар министрлигинин нөөмөт бөлүмүнүн билдиришинче 31-январда Лейлек районундагы Ак суу айыл өкмөтүнүн тургуну Ш.Райымбердиевди кутурган ит каап алганы аныкталган. Маалыматка караганда жабыркаган беш адам ооруканага жаткырылып, 16 адам эмделген. Учурда Ак суу айыл өкмөтү боюнча алты миңден ашуун адам медициналык текшерүүдөн өткөрүлүп, ветеринарлар жана ит атарлардын үч тобу иштөөдө. Буга чейин Кыргызстанда кутурган ит каап алган жыйырма окуя катталган. (AJ)
