Анын мүчөлөрү «Акыйкат үчүн» кыймылына кирген саясий партиялар, коомдук уюмдар менен катар эле азыркы Жогорку Кеңешке кирбей калган башка саясий күчтөр сунуштаган талапкерлерден куралат. Бул тууралуу «Азаттыкка» билдирген аталган кыймылдын координациялык кеңешинин жетекчилеринин бири Аликбек Жекшенкуловдун айтымында, коомдук парламентке тажрыйбалуу саясатчылар, белгилүү коомдук ишмерлер менен бирге аялдар менен жаштар өкүлдөрү көбүрөөк келүүсүнө өзгөчө көңүл бурулууда. Кыймылдын координациялык кеңеши эмки жумадагы жыйынында коомдук парламентте каралчу маселелерди талкууга алмакчы.(SM)
