Ачкачылык акциясына катышып жаткан журналисттердин бири Алтынбек Жумаевдин бүгүн уюштурулган маалымат жыйынында УТРК деректири Эшимканов жамаатты өзүн колдоого чакырып, ал аркылуу кызматта калуу аракетин жасап жатат деп билдирди. Буга чейин Мелис Эшимканов кетүү тууралуу арыз жазганы кабарланган. Маалымат жыйынында акциянын катышуучулары Мелис Эшимканов кызматынан кеткенге чейин ачкачылыкта отурарын дагы бир ирет тастыкташты. Акциянын катышуучуларын колдоп билдирүү жасары күтүлгөн укук коргоочулар жана алардын катарында Топчубек Тургуналиев маалымат жыйынына катышкан жок. (BuS)
