Укук коргоочу Максим Кулешов Борбордук шайлоо комиссиясынын алдында «Мен ишенгим келет» акциясын өткөрүп, "айлананы караңгылык каптады" деп, шам жагууга аракет жасады. Кулешов бул акциясында парламенттик шайлоо адилет жана таза өткөнүнө, БШК анын жыйынтыктарын жарыялаарына ишенгиси келерин айтты. Милиция кызматкерлери акцияны токтотууну талап кылып, андан кийин Кулешовду кармап кетишти.
