Элүүдөн ашуун жаштар саат он бирде Ахунбаев көчөсү менен Манас проспектисинин кесилишинде чогулушуп, чоң жолдун жээги менен шаар борборуна карата жөө жүрүшкө чыгышты. “Укук коргоо органдары тарабынан тоскоолдуктар болгон жок. Көчөдөн биздин катарыбызга жаштар кошулууда”,-дейт акциянын катышуучусу Тилек Сыдыков. Буга чейин жаш саясатчылар парламенттик шайлоонун жыйынтыгына нааразы болушуп, “Мен ишенбейм...”акциясын БШКнын жанында өткөрүшкөндө тартип коргоо кызматкерлери тарабынан кармалып, сот аларды айыпка жыккан. (AJ)
