Бейрутта кечээ Сириядагы бомба жардыруусунан набыт болгон “Хезболланын” аскербашчысы Имад Мугния менен коштошуу тажыясы өттү. Мугния – Израил менен Батышка каршы кандуу чабуулдарга катышы бар деп шектелип, АКШ издөө салган кооптуу адамдар тизмесинде эле. “Хезболла” уюму Мугниянын өлүмүн уюштурду деп Израилди айыптады, Тель-Авив аны четке кагууда. Бейруттагы башкы аянтка бүгүн Ливандын экс-премьер-министри Рафик ал-Хариринин киши колдуу өлүмүнүн 3 жылдыгын белгилөөгө он миңдеген адамдар чогулду.
