Расмий маалымат боюнча, Кыргызстандын буудайга болгон жылдык талабы 1,2 миллион тоннадан ашат. Жергиликтүү дыйкандар 800 миң тонна буудай гана чогулта алышат. Ал эми калганын чет өлкөлөрдөн сатып келүү зарыл деп билдирди Мамлекеттик материалдык резервдер фондунун аналитикалык бөлүмүнүн башчысы Раиса Агарина бүгүнкү маалымат жыйынында. Анын айтымында, Кыргызстанда буудай айдоо аянттары кыскарууда. Бул жылы дагы 41 миң гектар аянтка буудай себилбей калат. Учурда өкмөт Казакстандан 50 миң тонна буудай сатып алуу боюнча сүйлөшүүлөрдү жүргүзүүдө. Буудай менен кошо Казакстандан ун сатып алуу да максатталууда.(JTo)
