Жолугушуу учурунда президент “ГазПром” ишканасынын Кыргызстандын ишкерлик чөйрөсүнө кирип жаткандыгын кубаттап, мындан аркы кызматташуулардын үзүрлүү болоруна ишенимин билдирди. “ГазПромдун” жетекчиси Алексей Миллер ишкана тарабынан Кыргызстандын эки аймагындагы кендерди чалгындоо иши башталуу алдында тургандыгын маалымдады. Бүгүн кыргыз өкмөтү тарабынан “Газпром” ишканасына Кыргызстандын “Көкарт” жана “Майлысуу” газ кендерин иштетүүгө лицензия берилген. (ZKo)
