Билим берүү министринин айтымында, жалпы республикалык тестирлөө системасында химия, биология жана чет тилдерден тышкары башка сабактар боюнча сынактар жок. Андыктан атайы билимди талап кылган адистиктерге татыктуу абитуриенттер тандалбай калып жатат дейт Ишенгүл Болжурова Билим берүү жана илим министрлигинин кеңейтилген жыйынында. Мындан сырткары акыркы беш жыл ичинде мамлекеттик грант алган студенттердин 36 пайызы окуу жайды бүтпөй калып, бюджеттик акча натыйжасыз пайдаланган деп кошумчалады министр. Ошондой эле жыйында жогорку жана кесиптик билим берүү мекемелеринин материалдык-техникалык базасы начар, ал эми окутуучулардын кесипкөйлүгүн жогорулатуу системасы кризисте экени айтылды. (JTo)
15:59 И. Болжурова: Жалпы республикалык тестирлөө окуучулардын чыныгы билим деңгээлин көрсөтө албай жатат
