Армениянын өкмөтү өткөн жумадагы президенттик шайлоого удаа эки оппозициячыл саясатчыны камакка алды. Алар – оппозициячыл “Жаңы заман” партиясынын лидери Арам Карапетян жана салык инспекциясынын мурдагы башчысы Самбат Айвазян. Ишембиде Ереван полициясы шайлоодо жеңилген мурдагы президент Левон Тер-Петросянга жакын бир нече мамлекеттик кызматкерди камакка алган.
