Бул тууралуу Жогорку Кеңештин төрагасынын орун басары Кубанычбек Исабеков бүгүн маалымат жыйынында билдирди. Анын айтымында, жолугушууда делегация башчылары түрк тилдүү өлкөлөрдүн парламенттик Ассамблеясын түзүү ниетин билдирген протоколго кол коюшкан. Парламенттик Ассамблея аталган өлкөлөрдүн ортосундагы жогорку деңгээлдеги келишимдерге консультативдик орган болуп, парламенттик кызматташтыкты өнүктүрүүгө жана түрк тилдүү мамлекеттеринин улуттук мыйзам чыгаруусун жакындаштырууга багытталат. 21-22-февралда Анталия шаарында өткөн түрк тилдүү мамлекеттердин I Эл аралык кеңешмесине Азербайжан, Кыргызстан, Казакстан, Түркиянын өкүлдөрү катышкан. (AJ)
