Мурдагы губернатор Султан Урманаевдин үстүнөн козголгон ишти Бишкек гарнизондук аскер соту кечээ Жалалабат шаарында карап баштаган. Алгачкы соттук отурумда айыпталуучуга башкы прокуратура козгогон «кызмат абалынан ашыра пайдаланган» деген берене боюнча айыбы угузулду. Анда Султан Урманаев ишенип берилген аймактагы саясий-коомдук жагдайды жана чыр-чатактуу кырдаалдарды жөнгө салууга аракет көрбөгөнү адам өлүмүнө алып келген окуянын чыгышына алып келгени айтылат. Бирок сотто Султан Урманаев мындай айыптоолорду четке кагып, Азимбек Бекназаровдун камалышына нааразы болгон эл менен жолугушууга президенттик администрациянын ошол кездеги башчысы Аманбек Карыпкуловдун көрсөтмөсү мүмкүндүк бербегенин билдирди. 2002-жылдагы Аксы окуясында милициянын элге ок атуусунан 6 адам курман болгону белгилүү.(SM)
