Оппозициячыл маанайдагы саясий партиялар жана бейөкмөт уюмдар Ошто түзгөн “Коомдук кыймылдын” беш өкүлү бүгүн маалымат жыйынынын өткөрүп жаткан учурда 35-40 аял жана 10 эркектен турган топ тоскоолдук кылышып, акырында аларды токмоктоого чейин барышты. “Азаттыктын” Оштогу кабарчысы Алишер Токсонбаевдин айтымында, топтун токмогунан улам кыймыл мүчөлөрү ал жерден качууга мажбур болушту. Кыймылдын төрагасынын катуу муштум жеген орун басары Төлөгөн Келдибаев "оорукана менен милицияга кайрылуудан майнап чыкпайт, алар баары бир адилет баа беришпейт", - деп билдирди. (BD)
