«Түндүкэлектро» ишканасы февраль айындагы 31 миң сом карызы үчүн консерваторияга электр жарыгын берүүнү токтоткон. Окуу жайдын башкы бухгалтери Флория Файзуддинованын айтымында, электр жарыгы, суу, жылуулук үчүн коммуналдык төлөмдөрдү Каржы министрлиги жүргүзөт. Министрлик керектүү сумманы «Түндүкэлектро» ишканасына 1-мартта которушу керек болчу. Бирок Каржы министрлиги төлөмдөрдү адатта бир айга кечеңдеткендиктен, мекемеге электр жарыгы апрель айында гана берилчүдөй. "Бул студенттердин окуусуна терс таасирин тийгизүүдө", - деди Флория Файзуддинова. (JTo)
