Өзгөчө кырдаалдар министрлигинин маалыматына ылайык 5-марттан 6-мартка караган түнү нөшөрлөп жааган жаандан жана карлардын эришинен “Эски Кайырма” суу каналы толуп, натыйжада айылды сел алуу коркунучу туулду. Азыр суунун капташынын алдын алуу аракеттери көрүлүп жатат. Облусттагы Атай Огомбаев айылында учурда отуз беш жергиликтүү тургундун катышуусунда арык, суу каналдары тазаланууда. Бакайтата районунун Өзгөрүш айылындагы “Чодо” дарыясынын жээктери да бекемделип жатат. Буга чейин Таластагы Көкой менен Өзгөрүш айылы кардын эришинен суу астында калган эле. (EBM)
