Анда Коомдук кыймылдын лидерлеринин кечээги маалымат жыйынын уюшкан топ үзгүлтүккө учуратып, атүгүл өмүрүнө кол салып, сабашкандыгы, окуяны карап турган укук коргоо органдарынын кызматкерлери эч кандай чара көрбөгөндүгү, мындай көрүнүш акыркы убакта көп кайталанып жатканы бараткандыгы айтылат. Ошондой эле жаңы уюм мүчөлөрү шаар жетекчилигинен окуяны кылдат териштирип, күнөөлүүлөрдү жана аларды буюртма кылгандарды таап, жазага чегерүүнү өтүнүшкөн. Ош шаардык ички иштер башкармалыгынын башчысынын орунбасары Чубак Жуманалиев кайрылуу көңүл сыртында калбасын, мыйзам алдында баары бирдей, эгерде кылмыштын курамы аныкталса, айыптуулар сөзсүз жоопкерчиликке тартыларын “Азаттыкка” маалымдады. (АТо)
