Баткен облусундагы Тажикстан менен чектеш жерлерде коңшу өлкөнүн жарандары курулуштарды куруп атат. Буга чек коюуу үчүн парламенттин мурдагы чакырылышында иштелип чыккан “Чекара аймактарындагы айылдардын макамы” жөнүндөгү мыйзам долбоору комитетке сунушталды. Бул тууралуу Жогорку Кеңештеги СДПнын депутаты Мурат Жураев “Азаттыкка” берген маегинде билдирди. Анын айтымында, мыйзам долбоорунда чекарага жакын айыл тургундарына электр кубаттуулугун бекер берүү, жерди салыктардан бошотуу, узак мөөнөттөгү ссуда, ошол жерде мектептерди бүтүргөн балдарга жогорку окуу жайларына квота жана башка жеңилдиктерди берүү, жылма миграцияны токтотуу маселеси каралган. (AJ)
13:25 М.Жураев: Эки жылдан бери Баткенде эки миң гектардан ашуун жер коңшу өлкөгө өтүп кетти
