Бул туурасында «Асаба» партиясынын мүчөсү, Оштогу коомдук укук коргоо кыймылынын лидери Төлөн Дыйканбаев 11-мартта «Азаттыкка» билдирди. Анын айтымында, Ош шаар мэриясы «De-фaктo» гезитин күнөөлөп, сотко даттанышына негиз жок. Тескерисинче, басылманы ак жеринен жаманатты кылганы үчүн жергиликтүү бийлик 4 миллион сом өлчөмүндө айып пул төлөш керек. Ош шаарынын вице-мэри Мухитдин Мамасадыков оюнан кайтпай турушкандыгын, 2008-жылдын 28-февралындагы санында жарыяланган «Ош шаардык мэриясы ток уурулук менен кармалды» аттуу кабарда «De-фaктo» басылмасы шаар бийлигинин аброюна чындап шек келтиргендигин белгилөөдө. (ATo)
