Өкмөт депутаттарга бул эркин экономикалык аймакты жоюуну сунуштаган мыйзам долбоорун алып чыкты. Экономикалык өнүктүрүү жана соода министри Акылбек Жапаровдун билдирүүсүнө караганда, Маймак эркин экономикалык аймагында учурда бир да ишкана иш жүргүзбөйт. Ошондуктан аны жоюу керек. Бирок депутаттар Маймакта тийиштүү инфраструктура түзүлбөгөндүктөн инвестиция келбей жатканын белгилешти. Добуш берүүдө өкмөттүн сунушун колдоп 43 гана депутат добуш берди. Нтаыйжада мыйзам колдоо тапкан жок. Өкмөт ошондой эле Нарын эркин экономикалык аймагын жоюу боюнча да аракеттер жасап жатканы Жапаровдун сөзүнөн айкын болду. (AiT)
