АКШ мамлекеттик катчысынын Борбор Азия маселелери боюнча жардамчысынын орун басары Памела Спратлен айым Бишкекке бүгүн эртең менен келди. Ал төрт күндүк иш сапарынын учурунда эки өлкөнүн кызматташтык мамилелерине байланыштуу бир катар сүйлөшүүлөрдү жүргүзмөкчү. Кыргызстандын бийлик өкүлдөрү менен болчу бул жолугушууларда эки тараптуу кызматташтыкты чыңдоого, анын ичинде экономикалык байланыштарды бекемдөөгө байланышкан маселелер талкуланаары кабарланууда. Бул тууралуу АКШнын Бишкектеги элчилигинен кабарлашты.(SM)