Бул тууралуу билдирген маданият министринин орун басары Ороз Айдаровдун айтымында, премьер-министр Игорь Чудиновдун куттуктоосунан кийин Нооруз майрамына арналган театрлаштырылган оюн-зоок саат ондон, он бирге чейин болот. Андан соң үч сааттык майрамдык концерт тартууланат. Ага искусство чеберлери, Кыргызстан элдеринин ассамблеясынын өнөрпоздору, шаардагы өздүк көркөм чыгармачылык жамааттары катышат. “Ошондой эле Бишкекте өтүүчү Нооруз майрамына атайын катышуу үчүн Ирандан он өнөрпоз концертке катышууга келе жатышат. Майрамдык иш чараны Бишкек шаар мэриясы менен Маданият министрлиги уюштуурда”,- дейт Айдаров. (AJ)
