2005-жылы 24-марттан кийин каржы министри болуп эки жарым жылдан ашуун иштеген, азыр экономиканы өнүктүрүү жана соода министри Акылбек Жапаров 24-мартта ыңкылап болгон деп эсептейт. Мындай пикирин журналисттерге билдирген министр 24-мартты Элдик ыңкылап катары майрам күнү деп кабыл алып берген парламентке ыраазылыгын билдирди. Акылбек Жапаровдун айтуусунда үч жыл аралыгында мамлекеттик бюджет дээрлик эки эсеге өстү. “2004-жылы биздин бюджетте 23 млрд сом бар болсо, быйылкы жылы 49 млрд 400 млн сомго жетти,” дейт экономикалык өнүктүрүү жана соода министри. (ZKo)
