Нааразылык чаралары Түркиянын бир катар шаарларында өттү. Күрддөрдүн Нооруз майрамын белгилөөсүнүн арты тыюу салынган Күрд Жумушчу партиясын колдоого багытталган демонстрацияга айланган. Полиция демонстранттарды таратуу үчүн күч колдонду. Чыгыштагы Ван шаарында кырдаал чыңалган бойдон калууда. Шаардын көчөлөрүнө баррикада куруп, өкмөттүк кеңселер менен дүкөндөрдүн айнектерин талкалаган бир жарым миң күрддү таратуу үчүн полиция көздөн жаш агызуучу газ жана суу бүркүгүчтөрдү колдонду.
