“Ата Мекен” саясий партиясынын төрагасынын пикири боюнча март окуясына бааны ага катышкандар эмес, кийинки муун бериши керек. Ө. Текебаев бийликтин конституциялык реформа болду дегенин эки жүздүүлүк катары сыпаттап, саясий планда таза шайлоо өткөрүү, мыйзамдуулукту, адам укугун сактоо, үй-бүлөлүк башкаруудан арылуу сыяктуу убадалар аткарылбастан, тескерисинче мындай коомго зыяндуу көрүнүштөр күчөп жатканын белгиледи. “Көчөгө чыгып, өзүнүн пикирин айтып койгон беш адамбы же онбу, тынч турасыңбы, сүйлөбөй турасыңбы баарыбир кармап, камап жатат. Бишкекте эле эмес жер-жерлерде каршлык чараларды өткөрүү үчүн атайын жайлардын белгилениши дүйнөгө күлкү боло турган, мыйзамга каршы келген чечим,” – деди Ө. Текебаев. (EBM)
