Мамлекеттик "Синьхуа" агенттигинин бүгүнкү кабарына караганда, Тибетке коңшу Сычуан провинциясындагы соңку кагылыштан бир полицей каза таап, бир нечеси жаракат алган. Ал эми кечээ Грецияда Пекиндеги быйылкы Олимпиада үчүн от жагуу салтанаты учурунда Тибеттин көз карандысыздыгын жактаган активисттер кыска мөөнөткө бул иш чараны үзгүлтүккө учурата алышты. Кытайдагы адам укугун бузууларга каршы нааразылык чаралары Олимпиада оту августа Пекинге жеткенге чейин 20 мамлекет аркылуу өткөн учурда да болору күтүлүүдө.
