Дагестандык эки журналист 21-мартта өлтүрүлгөн. Россия бийлиги ОРТ каналынын корреспонденти Ильяс Шурпаев менен Дагестан телерадиокомпаниясынын башчысы Магомедгаджи Абашиловдун өлүмүнүн байланышы жок экенин билдирген. Ал эми Европа коопсуздук жана кызматташуу уюму бул окуяларды терең иликтеп, баарын ачыка чыгарууга чакырды. Бул арада Дагестанда жоочулар менен кагылышуулар болуп, анда үч жоочу өлтүрүлгөнү кабарланууда.
