“Жарандар коррупцияга каршы” уюмунун жетекчиси Төлейкан Исмаилова дүйнө жүзүндө 2018-жылга чейин аялдардын лидерлигин күчөтүүгө арналган эл аралык конференцияда Кыргызстандын атынан доклад окуйт. “Кыргызстанда аялдардын лидерлик сапаттарын арттырууга совет доорунан калган стереотиптер жана менталитет тоскоол болуп жатат. Анткен менен кыргыз аялдардын потенциалын жогору деп баалайм”, - деп билдирди белгилүү укук коргоочу “Азаттыкка”. 1-4 – апрель күндөрү АКШнын борбору Вашингтондо өтө турган конференцияны “Аялдар өнүгүү жолунда” уюму уюштурууда. Конференцияга 35 өлкөнүн, анын ичинде Афганистан, Иран жана Ирактын лидер айымдары катышмакчы. (JTo)
