Жаныбек Бакиевдин уулу Асылбек Салиевге байланыштуу “Де-факто” менен “Алиби” гезитинде жарыяланган макаланы лингвисткалык экспертизадан өткөрүү тууралуу адвокат Шамарал Майчиевдин өтүнүчүн сот канаатандырды. Буга ылайык макалада Салиевдин адамдык аброюна доо кеткен-кетпегенин, макаланын маани-маңызын Улуттук илимдер академиясынын тил илими институту текшере турган болду. Ага кеткен чыгымдарды гезит ээлери көтөрөт. Биринчи май райсотунда бул маселе боюнча сот жараяны лингвистикалык экспертизанын жыйынтыгы чыккандан кийин улантылат. (AJ)
