Мындан сырткары жөө күлүктөр арасында мелдеш болду. Аталган салтанатта бир километр аралыкка чуркаган балдар арасынан биринчи болуп Талас айыл-чарба техникумунун окуучусу жөө күлүк Марс Такеев келди. Ал эми кыздар арасынан Талас шаарындагы №4 орто мектептин окуучусу Жазгүл Шабданбек кызы биринчиликти алды. Ден соолук күнүнө карата өткөрүлгөн спорттук салтанат облустук, Талас шаардык администрация жана саламаттык сактоо кызматкерлери тарабынан уюштурулду. Бирок “Ак жол” партиясынын Таластагы координатору Шаршенбек Конгантиев “мындай көрүнүш бир жылда бир эле ирет уюштурулат, Кыргызстандын президентинин спортко көбүрөөк көңүл буруш керек деген демилгеси аймактарда жакшы аткарылбай, айыл жерлерде айыл өкмөт башчылар спортко начар көңүл бурушууда”, - дейт. (UA)
