Бүгүн премьер-министр Игорь Чудинов “Аларча” мамлекеттик резиденциясында Кыргызстандагы чет өлкөлүк элчиликтер, өкүлчүлүктөр жана уюмдардын жетекчилери менен жолугушуу учурунда, өлкөдө инвесторлор үчүн абдан ыңгайлуу шарттар түзүлүп жатканын айтып, келечекте бизнес үчүн эң ыңгайлуу он өлкөнүн катарына кирүү максаты коюлганын айтты. Игорь Чудиновдун айтымында, бүгүнкү күнү чет элдик инвесторлор электр тармагында, кендерди иштетүүдө, ГЭСтерди курууда, айыл-чарбасынын бардык тармактарында, туризм тармагында жеңилдетилген шарттарда иштей алышат. Ошондой эле премьер-министр Кыргызстан ар кыл жаатта кызматташууга, бизнес чөйрөсүн жакшыртууда бардык сунуш-пикирлерди эске алууга даяр экендигин айтып, донор өлкөлөр менен уюмдарды өлкө экономикасын көтөрүүгө кол кабыш кылууга үндөдү. (IJz)
