Билим, илим, маданият, маалымат саясаты комитети уюштуруп жаткан 22-апрелдеги бул талкууга бардык кызыкдар тараптардын өкүлдөрү чакырылууда. Буга чейин билим берүү министрлиги иликтөөлөр мектептерде билим сапаты төмөндөп кеткендигин көрсөтүүдө деп билдирген. Маселен, Эл аралык PISA борбору 2007-жылы 57 өлкөдөн иликтөөгө алган 15 жаштагы балдардын ичинен билим сапаты Кыргызстанда төмөнкү орунду ээлеген. 4-класста керектүү деңгээлде билим алган окуучулар 8%ды, 8-класста 6%ды түзгөн. Бишкек жана Ош шаарларын кошпогондо жалпысынан окуудан жетишпеген балдардын саны 60% болгон. (BuS)
