Армения 1915-жылы Түркияда армяндар массалык кыргынга учураган деген позициядан сүйлөп келатат. Түркия биринчи дүйнөлүк согуш учурунда көп армяндар өлгөнүн моюнга алган, бирок аны атайын уюштурулган геноциддин жыйынтыгы деген айыптоону четке кагып келет. Бул окуяны эскерип миңдеген армяндар колдоруна шам көтөрүп Еревандын көчөлөрүнө чыгышты. Жыйырмадан ашык өлкө, анын ичинде Россия, Германия, Франция жана Канада өткөн кылымдын башындагы армяндардын өлүмүн геноцид катары тааныган.
