Линктер

ишемби, 10-декабрь, 2016 Бишкек убактысы 13:21

14:44 Каржы полициясы: И.Кадырбеков мамлекеттин жерин өзүнө мыйзамсыз ыйгарып алган


Каржы полициясынын Тергөө башкармалыгынын жетекчисинин орун басары Ислам Боровдун билдирүүсү боюнча, Архитектура жана курулуш агенттигинин мурдагы жетекчиси Ишенбай Кадырбековдун кызмат абалынан пайдаланып, мыйзамсыз иш-аракеттерди жасаганы аныкталып, тактала баштады. “Маселен, айыпталып жаткан Ишенбай Кадырбеков, Архитектура жана курулуш агенттигинде жетекчи болуп турганда өзүнө-өзү көп кабаттуу үй салганга уруксат сурап арыз жазып, кайра өзүнө-өзү уруксат берген чечим чыгарган. Ошентип жеке өзү 33 сотых жер алган”,- дейт И.Боров. Анын айтымында, азыркы тапта айыпталуучу Ишенбай Кадырбековдун көп кабаттуу үйлөр салынчу жерлердин өздүк баасын үч-төрт эсе көтөрүп жиберип, курулуш компанияларынан акча алган иш-аракеттери, жер титирөөдөн жабыр тарткан аймактарга мектептерди курууда кызмат абалынан пайдаланып, мамлекеттин мүлкүн өз кызыкчылыгында пайдаланган мыйзамсыз иштери аныкталып-такталуулда. Ошондой эле ал И.Кадырбековдун кармалышында эч кандай саясий өң-түс жоктугун, бул коррупцияга байланышкан кадимки эле кылмыш иши экендигин баса белгиледи. Ал эми тергөө абагында жаткан Ишенбай Кадырбеков, өзүнүн кармалышын саясий куугунтук катары эсептээрин айтып жатат. (IJz)

Азаттык Фейсбукта

XS
SM
MD
LG