Ушундай мазмундагы катты азыр убактылуу абакка алынган саясатчы Ишенбай Кадырбеков бергендигин 24.kg агенттиги кабарлады. Архитектура жана курулуш агенттигинин мурдагы директору, экс-депутат катында 1-май күнү ден соолугу начарлап кеткендиктен медициналык тез жардам чакырууну бир нече жолу өтүнгөндүгүн, бирок аны абак кызматкерлери этибарга албай койгондугун жана Жогорку Кеңештин депутаты Гүлжамал Султаналиева менен Акыйкатчы Турсунбек Акундун кийлигишүүсү менен гана врачтар келгендигин жазган. Кадырбековдун туугандары бүгүн эртең менен аны бир жакка алып кетишкендигин, бирок кайда жана эмне үчүн алып кетишкендиги белгисиз экендигин билдиришкен.(BD)
