Линктер

logo-print
дүйшөмбү, 05-декабрь, 2016 Бишкек убактысы 04:40

Муса Мураталиев, Москва Кремлде 7-майда, жаңы шайланган президент --> http://rfe.azattyk.org/rubrics/politics/ky/2008/05/D173F353-05DA-4064-9A7E-927CFDE5F6DB.asp Дмитрий Медведевдин кызматка киришүү каадасы өттү. Ал каада үстүндө сүйлөгөн сөзүндө анын алдыда турган башкы милдети болуп өлкөдө атуулдук жана экономикалык эркиндикти өнүктүрүү эсептеле турганын айтты. Жаңы президент ошол эле күнү Владимир Путинди премьер-министрликке бекитүү талабы менен Мамлекеттик думага кайрылды. РИА «Новости» агенттиги маалымдагандай, бүгүн, 8-майда кезексиз чакырылган Мамдума олтурумунан соң Путиндин думалык фракциялар жетекчилери менен жолугушуусу өтмөкчү.

Орусиянын кийинки тарыхындагы үчүнчү президенти кечээ, 7-майда ырасмий түрдө кызматына киришти. Ага арналган салтанат аяктай электе, жаңы мамлекет башчы бир колу менен өкмөттү таркатып, бир колу менен жаңы түзүлүүчү өкмөт башчылыгына мурдагы президент Владимир Путинди сунуштап, Мамлекеттик думага кайрылуу жасаган. Анда Путин төрагалык кылган бийликчил «Бирдиктүү Орусия» партиясы, демейде бир нече аптага созулуучу маселени чукул арада, башкача айтканда бүгүн, 8-майда кезексиз олтурум чакырып, анын күн тартибиндеги маселеге айлантып жибергендиги туурасында ар кыл агенттиктер жазышат.

Андан тышкары жаңы президент Медведевдин кол койгон биринчи указы «Улуу Атамекендик согуштун ветерандарын турак-жай менен камсыз кылуу» болгонун Кремлдин маалымат кызматы таркатты.

Ошону менен катар Орусиянын Башмыйзамына ылайык мамлекеттин жогорку бийлигине шайланган киши башка эч бир кызматта болбошу керек. Ушундан улам Медведев буга дейре ээлеп келе жаткан «Газпром» концерндин деректирлер кеңешине төрагалык кызматынан бошогон.

Саясий анализчилер чөйрөсү болсо жакынкы келечекте Орусияда бийликтин үчилтик - парламенттик, президенттик жана өкмөттүк омоктору пайда болот жана анча омоктун экөө азыр Путиндин колунда дешет. Кеп алардын кайсынысы күчтүү чыгарында деп болжолдошот байкоочулар.

«Азатыкка» берген маегинде бозгунда жүргөн айтылуу миллионер Борис Березовский “Путин болгону коштошту, бирок бийликтен кеткиси жок” деп айтты. Анын даражасы ылдый кызматка өтүшүн Березовский:

-Ал бүгүн Медведевге: “мен сага ишенбейм ошон үчүн өкмөткө башчы болуп жатамын, эми мен ал жактан туруп көзөмөлдүк кылам” деп айтканы болду, - деп чечмелейт.

Бирок мурдагы президент Владимир Путиндин каалаганы баштан-аяк мураскоруна колдоо көргөзүү болорун саясий байкоочу Станислав Белковский айтат:

-Менимче өкмөт башчы Владимир Путин кандайдыр бир ык менен чындап эле президенттик такты тартып алуу үчүн умтулбачудай сыяктанат.
XS
SM
MD
LG