Жекшембидеги парламенттик шайлоодо Европага ыктаган серб президенти Борис Тадичтин саясий коалициясы кырк пайыздай добуш алган. Бул алардын башкы атаандашы Улутчул радикалдар партиясынан он пайызга көп дегенди билдирет. Бирок Тадичтин блогу шайлоодо жеңишке жеткен менен, негизги атаандашы жана аларды колдогон күчтөрдүн айынан парламентте көпчүлүктү кайсы коалициялык күчтөр түзөөрү ачыкталбай, өкмөт курамы түзүлө элек.
