Бишкек шаардык райондор аралык соту “Кылым шамы” укук коргоо уюмунун жетекчиси Азиза Абдрасулованын “Ак жол” фракциясынын жетекчиси Элмира Ибраимовага каршы арызын канааттандырган жок. Укук коргоочу арызын “Ак жол” фракциясы энергетика боюнча маселелерди жабык эшик аркасында өткөргөнү үчүн айыптап жазган эле. Укук коргоочу Азиза Абдрасулова болсо “Азаттыктын” суроолоруна жооп берип жатып, соттун мындай чечимине таң калбай эле коюу керектигин, анткени көз каранды болгон соттор жогору жактын көрсөтмөсү боюнча иштеп жатышканын айтты. “Биз ар бир жаран маалымат алууга акылуу, энергетика боюнча маанилүү маселелерди “Ак жол” жабык эшик аркасында талкуулабашы керек болчу деп сотко бергенбиз. Акыйкат сот болгондо бул иш биздин пайдага чечилмек. Эми биз Жогорку Сотко чейин барабыз”, - дейт Азиза Абдрасулова. (IJz)
