Бул тууралуу айыпталуучунун эжеси Жайнагүл Мамбеталиева “Азаттыкка” билдирди. Анын негиздегенине караганда, ИИМ Эркин Мамбеталиевге жалган жалаа тагып, ал аркылуу буюртма киши өлтүрүүлөргө байланышкан маселелерди тынчытуу аракетин көрүп жатат. ИИМ козгогон кылмыш ишинин негизинде Биринчи май райондук соту Эркин Мамбеталиевди күчөтүлгөн тартипте өмүрүнүн акырына чейин камакка кести. Мамбеталиевди сот Жогорку Кеңештин депутаты Жыргалбек Сурабалдиевди өлтүргөн, полковник Чыныбек Алиев менен кылмыш тобунун өкүлү Таалай Абасовду өлтүрүүгө катышкан жана дагы үч кишинин өмүрүнө кол салган деп тапты.Мыйзам боюнча айыпталуучу өкүм боюнча он күн аралыгында даттанууга укугу бар. (BuS)
