ИИМдин маалыматы боюнча бул коомдук тартипти, коопсуздукту чыңдоо, диний-экстремисттик күчтөр тарабынан ар кыл экстремисттик аракеттерди алдын алуу максатын көздөйт. Маалыматка караганда, Базаркоргон, Ноокен райондорундагы, Шамалдысай поселогундагы шектүү үйлөрдү тинтүүдө уруксат берилбеген "Хизб-ут-Тахрир" уюмуна үндөгөн 40тан ашык баракчалар, китептер, видеотасмалар табылган. Ноокен районунда Өзбекстандын 4 жараны мыйзамсыз жашап жүргөндүгү аныкталган. Мындай иш-чараны кечээтен баштап ИИМдин Коопсуздук комитетинин жана прокуратуранын облустук башкармалыктары биргелешип жүргүзүүдө. (BuS)
