БУУнун саламаттыкты сактоо агенттиги дүйнө өлкөлөрүнө тамекини рекламалоого таптакыр тыйуу салуу чакырыгы менен кайрылды. Бүгүн – бүткүл дүйнө боюнча чылым чекпөө күнү. БУУнун алиги агенттигинин маалымдашынча, рекламаны токтотуу аркылуу жаш муундардын тамекиге азгырылышын алдын алса болот. Айрым маалыматтарга караганда, тамекини рекламалоо токтотулган өлкөлөрдө чылым чеккен адамдардын саны кескин азайган. Азырынча Кыргызстан сыяктуу өлкөлөрдө тамеки ачыктан-ачык рекламаланып келет.
