Форумдун жыйынтыгы боюнча Малайзия менен Кыргызстан ортосунда коррупцияга каршы күрөштүү биргелешип жүргүзүү боюнча документ кабыл алынаары күтүлүүдө. Бул тууралуу “Азаттыкка” коррупцияны алдын алуу боюнча улуттук агенттиктин басма-сөз катчысы Бактыбек Рысалиев билдирди. Анын айтымында, Малайзия тарап паракорчулук менен күрөшүү боюнча кыргызстандык адистерди окутуп жана тажрыйба алмашууга даяр экендиктерин билдиришти. Эки күндүк иш чарага Австрия, Германия, Пакистан, Латвия, Литва, Казакстан жана Тажикстандын коррупцияга каршы күрөшүү кызматынын өкүлдөрү жана кыргыз өкмөтүнүн мүчөлөрү катышууда. (MSu)
