Эртең Бишкектеги Опера жана балет театрында “XX кылымда кыргыздар” даректүү тасмасынын ачылыш аземи болот. Бул тууралуу аталган фильмди тартууга көмөктөшкөн Кыргыз-Түрк “Манас” Университетинин маалымат кызматы билдирет. Бул фильм 20 кылымдын тарыхый өнүгүү жолунда кыргыз улуттук идентификациясынын калыптаныш процессине түздөн-түз күбө болгон инсандар менен аңгемелешүү аркылуу тартылган. Фильмди тартууга Түркиянын Түрк кызматташтыгы жана өнүгүү башкармалыгы, Кыргыз-Түрк “Манас” университети, Кыргыз Улуттук теле-радио корпорациясы салым кошкон. (IJz)