Бул маалыматты Татарстандын “Татаринфо” маалымат агенттиги 9-июнда жазуучунун кеңешчиси Алимжан Мирзоевдун маалыматына таянып таратты. “Биз баарыбыз Чыңгыз Төрөкуловичтин ден-соолугун кудайдан тилеп жатабыз жана баары жакшы болот деп ишенебиз. Анын алдында жубайы жана эки уулу бар”,-деп билдирген Мирзоев. “Немис толкуну” радиосу да Нюрнберг клиникасынын дарыгерлерине шилтеме жасап, залкар жазуучунун саламаттыгы начарлаганын билдирди. Чыңгыз Айтматов 16-майда Татарстанда бөйрөк оорусунан ооруканага түшүп, үч күндөн кийин Германиянын Нюрнберг шаарындагы клиникага которулган эле.(AiT)