Линктер

бейшемби, 8-декабрь, 2016 Бишкек убактысы 02:57

Коалициялык күчтөр Пакистандагы аба соккусу боюнча тасма көрсөттү


"Ооганстанга каршы күрөшүп жатышат» делген талипчил согушкерлерге багытталган аба чабуулунан улам пакистандык он бир жоокер набыт болду деп жакында Исламабад Батышты айыптаган эле. Ал эми бүгүн жарыяланган тасма учкучу жок учак аркылуу тартылып алынган. Тасмада жети адамдан турган топко карай "так мелжелген сокку" чагылдырылган экен. Коалициялык күчтөр жок кылынган козголоңчулар оболу Ооганстандын Кунар вилайетинде бейпилдик күчтөрүнүн күзөттөгү жоокерлерине кол салып, анан Пакистандын чек арасынан өтө качканын билдирди. Саал мурдараак АКШнын Мамлекеттик департаменти бул козголоңчуларга каршы багытталган аба чабуулунан өздөрүнө өнөктөш пакистандык жоокерлердин курман болушуна өкүнүчүн билдирген.

Азаттык Фейсбукта

XS
SM
MD
LG