Жорж Буш менен Николя Саркози бүгүнкү сүйлөшүүлөрүндө Иран, Ооганстан, Сирияга байланышкан саясатты да талкуулашты. Эки лидер тең өзөктүк куралы бар Иран менен келише албай тургандыгын дагы бир ирээт кайталашты. Тегеран болсо өзөктүк куралга жетүүнү көздөп жатат деген ырастоолорду төгүндөп келет. Жорж Буш ошондой эле Сирияны өзүн Ирандан оолак кармоого чакырды. АКШ президенти азыр Европада кызмат мөөнөтү бүтөр алдындагы акыркы ири сапары менен жүрөт.
